ಶಬರಿಮಲೆ ಶ್ರೀ ಧರ್ಮಶಾಸ್ತಾ ಸನ್ನಿಧಾನದಲ್ಲಿ ಇಂದು ಪವಿತ್ರ ಪಡಿ ಪೂಜೆ ಅತ್ಯಂತ ಭಕ್ತಿಭಾವ ಹಾಗೂ ವೈಭವದಿಂದ ನೆರವೇರಿತು. ಚಿನ್ನದ ಹದಿನೆಂಟು ಪವಿತ್ರ ಮೆಟ್ಟಿಲುಗಳನ್ನು ಹೂವುಗಳು ಹಾಗೂ ದೀಪಗಳಿಂದ ಅಲಂಕರಿಸಲಾಗಿದ್ದು, ತಂತ್ರಿ ಹಾಗೂ ಮೇಲ್ಶಾಂತಿಯವರ ನೇತೃತ್ವದಲ್ಲಿ ವಿಶೇಷ ಪೂಜಾ ವಿಧಿವಿಧಾನಗಳು ನಡೆದವು.
ಪೂಜೆಯ ಸಂದರ್ಭದಲ್ಲಿ ನೂರಾರು ಭಕ್ತರು “ಸ್ವಾಮಿಯೇ ಶರಣಂ ಅಯ್ಯಪ್ಪ” ಎಂಬ ಭಕ್ತಿಗೋಷದೊಂದಿಗೆ ದರ್ಶನ ಪಡೆದು ಪೂಜೆಯಲ್ಲಿ ಪಾಲ್ಗೊಂಡರು. ಮಳೆ ನಡುವೆಯೂ ಭಕ್ತರ ಉತ್ಸಾಹ ಕಡಿಮೆಯಾಗದೆ, ಶಿಸ್ತಿನ ಸಾಲಿನಲ್ಲಿ ದರ್ಶನ ಪಡೆದ ದೃಶ್ಯಗಳು ಗಮನ ಸೆಳೆದವು.
ಪಡಿ ಪೂಜೆ ಶಬರಿಮಲೆಯ ಪ್ರಮುಖ ಧಾರ್ಮಿಕ ಆಚರಣೆಗಳಲ್ಲಿ ಒಂದಾಗಿದ್ದು, ಅಯ್ಯಪ್ಪ ಭಕ್ತರ ಆತ್ಮಿಕ ಭಕ್ತಿಗೆ ಮತ್ತಷ್ಟು ಮೆರಗು ನೀಡುವ ವಿಶೇಷ ಪೂಜೆಯಾಗಿದೆ. ಈ ಪವಿತ್ರ ಕ್ಷಣಗಳನ್ನು ಕಂಡು ಭಕ್ತರು ದೈವಿಕ ಅನುಭವ ಪಡೆದರು.
